Mensahe ng Butil ng Kape - Repleksyon

          Ang kwentong Mensahe ng Butil ng Kape ay may ibat ibang mensahe tungkol sa buhay. Hindi lamang ito umiikot sa mensahe ng butil ng kape sa ating buhay. Ang mga mensahe dito ay maaaring kwento ng ating buhay at maaari rin namang hindi. Ngunit maaari nating gawing batayan ito upang mas maging maganda an gang ating buhay.

          Ang carrot at itlog sinasabing malambot at matigas, mahina at malakas. Sa buhay may mga pagkakataong tayo ay mahina may pagkakataon din namang tayo ay malakas. Ngunit nasa atin rin kung paano natin tatanggapin ang realidad ng buhay na ito. Maaaring tayo ay mahina pero kaya rin nating bumangon sa sarili natin at maging malakas.

          Ang butil ng kape na natunaw sa kumukulong tubig at nagbigay ng kakaibang kulay rito. Madilim ngunit may angking gandang kulay. Parang ang buhay na hindi maaaring payak lamang katulad ng tubig. Tanging tayo lamang ang makapagbabago o makapagbibigay ng kulay sa ating buhay kung ito ay gugustuhin natin.

           Dito natutunan kong sa bawat pagsubok sa buhay hindi dapat tayo basta sumuko. Harapin natin ng may laban ang mga pagsubok na ito at huwag magreklamo. Lumaban ng may tapang at huwag basta basta magpapadala sa mga pagsubok na ito. At katulad ng butil ng kape bigyang kulay at gawing makabuluhan ang buhay.

Mensahe ng Butil ng Kape -Buod

Isang araw isang anak na lalaki ang nagmamaktol tungkol sa hirap at pagod na nararanasan niya sa pagsama sa kanyang ama sa pagsasaka. At ang pagmamaktol na ito ng lalaki ay naririnig ng kanyang ama. Kaya naman tinawag ng ama ang kanyang anak at nagtungo sila sa kusina. Dito ay nagsalang ng tatlong palayok na may lamang tubig ang ama. Hindi nagtagal ay kumulo din ang tubig sa palayok. Sa unang palayok ay inilagay ng ama ang mga carrot. Sa pangalawa namang palayok ay ang mga itlog. At sa pangatlong palayok ay ang mga butil ng kape.

Tinanong ng ama ang kanyang anak kung ano ang maaaring mangyari sa mga ito. Ngunit ang tanging isinagot lamang ng anak ay ang maluluto ang mga ito. At ng maluto nga ang mga ito ay tinanong ulit siya ng kanyang ama kung ano ang napuna nya sa mga ito. Napansin niyang ang carrot ay lumambot, nang mabalatan ang itlog tumigas ito at ang mga butil ng kape ay natunaw naman.

Ipinaliwanag ng ama na ang tatlong inilagay sa palayok ay may magkakaibang reaksyon. Ang carrot na matigas matapos mailagay sa kumukulong tubig ay naging malambot. Ang itlog na may manipis na balat ay naging matigas. At ang butil ng kape naman ay natunaw. Pagkasabi nito ay muling tinanong ng ama ang anak kung alin siya sa tatlo. Kung ang carrot na matapang ngunit nagiging alambot din. Ang itlog na may malambot na puso ngunit may matigas ding kalooban. O ang kape na syang nagbigay kulay at bango sa kumukulong tubig.